القصيده
ياصدر العراق ابوصفك احتاريت
ونته من الوصف من اوصفك اروع
يالوجهك شمس والوفر بيه ايحيط
و شلون الوفر ويه ا لشمس تجمع
لاماع الوفر لاطفت شمسك يوم
وعماتك دنيه من الافق اوسع
حيرت العقول ابمنطقك مولاي
من تخطب علي ومن تقنت وتركع
من تسجد حسن تنحني ليك الكاع
وتقبل جبينك منه ماتشبع
يا ثورت حسين الهزت الطاغوت
وبنهجه مشيت اقسمت ما ترجع
من جود ابو فاضل شارب الاصرار
ومنه اتعلمت للظلم ما تخضع
اجدادك في زمنهم جانو الشجعان
ونتها بهل زمن بقرانك الاشجع
حاربت الكفر جاهدت ضد الجور
والجمعه اصبحت ضد الظلم مدفع
عله درب المنيه طحت من صابوك
ما ميت ابد وتموت ما اقنع
لن ابكل كلب موجود يامولاي
بالدم بالعقل بالروح بالمدمع
يالماتنسي وذكرك الاجيال لن ابكل صبح وجهك شمس يطلع
